【完美女朋友計分表】
可能因為以前韓劇好hit啦，咩《天國的階梯》、《藍色生死戀》搞到好多人都覺得自己係韓劇女主角，成日幻想白馬王子會由個天跌落黎。其實想男朋友對自己好，首先要問自己一句：我又做得好唔好呢？坊間成日話男朋友要做乜做物，女朋友呢？一段關係要由兩個人承擔，只有一個人努力為左對方改變，默默付出，咁呢段關係都唔會健康。但要成為一位完美女朋友唔易架葉師傅，首先你有冇呢啲特質：
1.樣貌身材唔係重要 性格要就得人
2.識照顧自己
3.貪靚得黎會注意安全
4.相處嗰陣好舒服
當然我唔係聖人，我都係好蠢既人黎，拎漏野、盪失路、整親、大頭蝦，搞到男朋友日日都好激氣，為我東奔西跑。有次試過趕住搵朋友，但係漏左野喺佢屋企，所以急call佢拎落黎比我；有次去旅行帶錯左路，搞到miss左入場時間，最後要搭的士跑去...我見到男朋友辛苦，都想做返啲野改變自己，唔好令佢擔心，所以首先由衣物著手。
例如高跟鞋次次都腳痛生水泡，行唔到遠路，我換左 Sperry既象牙白色Sperry Crest Creeper CVO。鞋墊好厚好舒服，唔會刮腳，咁佢就唔會因為我流血而心痛。我成日kick親，呢對鞋冇鞋帶可以就咁著到入去，唔使怕行行下甩左要踎低綁，又唔會踎低比人睇到裙底。帆布料加厚底顯瘦，仲特登露成個腳裸出黎變長腿，配埋成身文青look，其實...唔使高跟鞋都好靚吖！
仲有由低胸背心、短裙換返曬做保守啲，一黎佢唔會再話我比其他男人昅到，二黎又可以襯返對鞋。
冇錯喺佢地心目中成日覺得女朋友永遠都係大細路，但唔代表你真係要令自己變成細路。如果一個女仔20幾、30幾、40幾歲都仲係唔識照顧自己，咁死得啦。除左要識得比多啲私人空間男朋友，打機、做正經野唔好搵佢之外，仲要試下獨立啲。你諗下如果一個女人淨係識喊，咩事都依賴男朋友、要佢處理，日子耐左就會覺得你好煩，想搵過個。
雖然我只係啱啱開始，但係總算為左做完美女朋友付出左努力吖！你會唔會踏出第一步呢？
#SperryCrestCreeperCVO
#Sperry
Search